ជួយស៊ែរបន្តផង! តោះៗ ពិសេសមែន នៅនៅខេត្ដ១នេះ មានតាំងពិព័រណ៍ផ្លែឈើ ញុំាដោយមិនគិតលុយ…
តាមរយៈផេកផ្លូវការ អភិបាលខេត្តកោះកុង លោកជំទាវ មិថុនា ភូថង នៅថ្ងៃទី ១៥ ខែមិថុនា ឆ្នាំ ២០២២ បានជូនដំណឹង ពីការរៀបចំស្តង់ពិព័រណ៍ផ្លែឈើ ចាប់ពីថ្ងៃទី ១៦ ដល់ថ្ងៃទី ២០ ខែមិថុនា ឆ្នាំ ២០២២ នៅផ្សារកោះកុងថ្មី ក្រុងខេមរភូមិន្ទ។
ក្នុងនោះ លោកជំទាវ បានបញ្ជាក់ឱ្យដឹងទៀតថា ចំពោះ ការរៀបចំស្តង់ពិព័រណ៍ផ្លែឈើនេះ សម្រាប់ថ្ងៃទី ១៨
ចាប់ពីវេលាម៉ោង ៣:០០ នាទីរសៀល គឺអ្នកចូលរួមពិធីតាំងពិព័រណ៍នេះ អាចពិសាផ្លែឈើ ដែលមានដាក់តាំងបង្ហាញដោយឥតគិតថ្លៃ។
លោកជំទាវ បានបញ្ជាក់ឱ្យដឹងទៀតថា ការរៀបចំបែបនេះ ធ្វើឡើងដើម្បីអបអរសាទរព្រះរាជពិធីបុណ្យចម្រើនព្រះជន្មសម្តេចព្រះមហាក្សត្រី នរោត្តម មុនីនាថ សីហនុ ព្រះវររាជមាតាជាតិខ្មែរ គម្រប់ខួប ៨៦ យាងចូល ៨៧ ព្រះវស្សា៕
Comments are closed, but trackbacks and pingbacks are open.