ថ្នាក់ដឹកនាំប្រទេសជាច្រើន នាំគ្នាបួងសួងឱ្យអតីតនាយករដ្ឋមន្ត្រីជប៉ុន ឆ្លងផុតគ្រោះថ្នាក់ ក្រោយរងការបា-..ញ់ប្រហា-រ
រដ្ឋមន្ត្រីពីបណ្ដាប្រទេសជាច្រើន បង្ហាញភាពតក់ស្លុត និង ធ្វើការបួងសួងដល់អតីតនាយករដ្ឋមន្ត្រីជប៉ុន Shinzo Abe ក្រោយរូបលោក ត្រូវបានខ្មាន់កាំភ្លើងបាញ់ប្រហារ អំឡុងពេលធ្វើការថ្លែងសុន្ទរកថា។
ជាក់ស្ដែងក្នុងថ្ងៃទី ០៨ ខែកក្កដា នេះដែរ ឯកអគ្គរាជទូតសហរដ្ឋអាមេរិក Rahm Emanuel បានធ្វើការបង្ហោះសារលើគណនី Twitter របស់លោកថា ៖«លោក Abe គឺជាមេដឹកនាំដ៏ឆ្នើមមួយរូបរបស់ប្រទេសជប៉ុន ហើយក៏ជាដៃគូដ៏ជិតស្និទ្ធមួយរបស់សហរដ្ឋអាមេរិកដែរ។ រដ្ឋាភិបាលអាមេរិក និង ប្រជាជនអាមេរិក សុំធ្វើការបួងសួង ឱ្យលោក Abe ឆ្លងផុតគ្រោះថ្នាក់មួយនេះផងចុះ»។
ស្របគ្នានោះដែរ អតីតនាយករដ្ឋមន្ត្រីប្រទេសអូស្ត្រាលី Melcolm Turnbull ក៏បានបង្ហាញក្ដីតក់ស្លុតចំពោះដំណឹងនៃការបាញ់ប្រហារលើលោក Abe ផងដែរ ហើយលោកក៏សង្ឃឹមថា អតីតមេដឹកនាំជប៉ុនរូបនេះ នឹងឆាប់ជាសះស្បើយពីរបួស។
គួរបញ្ជាក់ថា អតីតនាយករដ្ឋមន្ត្រីជប៉ុន លោក Shinzo Abe អាយុ ៦៧ ឆ្នាំ ត្រូវបានខ្មាន់កាំភ្លើងបាញ់ប្រហារនៅវេលាម៉ោង ១១ និង ៣០ នាទី (ម៉ោងក្នុងតំបន់) ខណៈកំពុងធ្វើការថ្លែងសុន្ទរកថានៅតាមដងផ្លូវនៃទីក្រុង Nara ភាគខាងលិចប្រទេសជប៉ុន។ ក្នុងការបាញ់ប្រហារនោះដែរ ជនសង្ស័យម្នាក់ អាយុប្រមាណជា ៤០ ឆ្នាំ ត្រូវបានប៉ូលិសឃាត់ខ្លួនភ្លាមៗផងដែរ៕
Comments are closed, but trackbacks and pingbacks are open.