ម្សិលមិញភ្លៀងខ្លាំង! នៅកំពង់សោម ខ្យល់រលក បក់ខ្សាច់មកទើរពាសពេញផ្លូវ នៅឆ្នេរអូត្រេះ (មានវីដេអូ)
កាលពីថ្ងៃទី ១៣ ខែកក្កដា ឆ្នាំ ២០២២ ម្សិលមិញនេះ ភូមិសាស្ត្រឆ្នេរអូត្រេះ ស្ថិតក្នុងខេត្តព្រះសីហនុ មានភ្លៀងធ្លាក់ លាយឡំខ្យល់យ៉ាងបក់ខ្លាំង បណ្ដាលឱ្យខ្សាច់ដែលនៅមាត់ឆ្នេរ ខ្ទាតមកទើរលើផ្លូវដែលស្ថិតនៅក្បែរនោះ។
ជាក់ស្ដែង តាមរយៈគណនីដែលមានឈ្មោះ Huy Seen បានបង្ហាញពីទិដ្ឋភាពដែលផ្លូវនៅក្បែរឆ្នេរអូត្រេះ គ្របដណ្ដប់ទៅដោយក្សាច់សក្បុស ជាទស្សនីយភាពប្លែកម៉្យ៉ាង កម្របានឃើញពីមុនមក។
សូមរំឭកផងដែរថា កាលពីថ្ងៃទី ១២ ខែកក្កដា ឆ្នាំ ២០២២ កន្លងទៅ ក្រសួងធនធានទឹក និងឧតុនិយម បានជូនដំណឹងពីស្ថានភាពអាកាសធាតុនៅកម្ពុជា ឱ្យបានដឹងថា ក្នុងសប្ដាហ៍នេះ នៅតំបន់មាត់សមុទ្រ នឹងមានភ្លៀងផ្គររន្ទះ លាយឡំខ្យល់កន្ត្រាក់ ខណៈនៅថ្ងៃទី ១៣-១៤ នឹងមានភ្លៀងក្នុងកម្រិតពីមធ្យមទៅច្រើន ដែលអាចបង្កជាជំនន់ទឹកភ្លៀង នៅផ្នែកខ្លះក្នុងភូមិសាស្ត្រខេត្តកោះកុង និងខេត្តព្រះសីហនុ។ ចំណែក នៅលើសមុទ្រមានខ្យល់ខ្លាំង និងរលកសមុទ្រខ្ពស់ៗផងដែរ៕
Comments are closed, but trackbacks and pingbacks are open.