ជួយស៊ែរទុកជាដំណឹងផង!! ផ្លូវជាតិលេខ ៥ មានជំនន់ទឹកភ្លៀង លិចកាត់ផ្លូវ ត្រង់នេះ…
នៅព្រឹកថ្ងៃទី ២២ ខែកក្កដា ឆ្នាំ ២០២២ នេះ ជំនន់ទឹកភ្លៀង បាននិងកំពុងហូរកាត់ លិចកំណាត់ផ្លូវជាតិលេខ ៥ ដែលមានទីតាំងស្ថិតនៅត្រង់ចំណុច ចន្លោះគីឡូម៉ែត្រលេខ ៤០ និងលេខ ៤១ នៅស្ពានក្រាំងពន្លៃ ត្រង់ព្រះគោ ព្រះកែវ -ហួសផ្សាឧដុង្គបន្តិច។
ចំពោះការហូរលិចកំណាត់ផ្លូវនេះ សូមប្រជាពលរដ្ឋដែលធ្វើដំណើរតាមផ្លូវជាតិលេខ ៥ លើកំណាត់ផ្លូវចំណុចខាងលើ មេត្តាមានការប្រុងប្រយ័ត្នខ្ពស់ និងទទួលជ្រាបជាដំណឹង។
សូមរំឭកផងដែរថា កាលពីថ្ងៃ ១៩ ខែកក្កដា ឆ្នាំ ២០២២ កន្លងទៅ ក្រសួងធនធានទឹក និង ឧតុនិយម ក៏បានចេញសេចក្ដីជូនដំណឹង ស្ដីពីស្ថានភាពអាកាសធាតុ នៅកម្ពុជា ឱ្យបានដឹងថា ចាប់ពីថ្ងៃទី ២០ ដល់ថ្ងៃទី ២៦ ខែកក្កដា ឆ្នាំ ២០២២ កម្ពុជា អាចនឹងមានភ្លៀងធ្លាក់ លាយឡំផ្គររន្ទះ និងខ្យល់កន្ត្រាក់ នៅតាមតំបន់ទាំង ៣៕
Comments are closed, but trackbacks and pingbacks are open.