សែនស្រណោះ ! ក្រោយដឹង តារាសម្តែងជើងចាស់ រិទ្ធ សារី លាចាកលោកនេះ ធ្វើឲ្យ អតីតតារាសម្តែង ស៊ុក សុភា និង តារាសម្តែងជើងចាស់ ទេព រិនដារ៉ូ ស្លុតចិត្តយ៉ាងខ្លាំង រួចនិយាយទំាងទឹកភ្នែកថា…
អ្នកស្នេហា វិស័យខ្សែភាពយន្ត ក៏ដូចជាពុកម៉ែ បងប្អូន មិនតិចនាក់ទេ ច្បាស់ជាស្គាល់ តារាសម្តែង ជើងចាស់ លោកតា រិទ្ធ សារី ហៅ ឈុន ទីវ ជាក់ជាមិនខាន ដែលតែងតែ លេចមុខ ក្នុងការសម្តែងសាច់រឿងច្រើន ណាស់ ដែលមិនអាចរៀបរាប់អស់ ជាមួយភាពប៉ិនប្រសព្វរបស់លោក។ ហើយមួយរយៈចុងក្រោយ ក៏បាត់មុខលោក ពីសិល្បៈ នេះក៏ព្រោះតែ លោកកំពុងសម្រាកព្យាបាលជំងឺ ហើយខ្វះខាតថវិការជាខ្លាំង ។
ស្រាប់តែម្សិលម៉ិញនេះ នាថ្ងៃទី ២៤ ខែសីហា ឆ្នាំ ២០២២ គេឃើញ តារាសម្តែងចាស់វស្សាលោក ជា សំនៀង ដែលត្រូវជាក្មួយ របស់ លោកតា រិទ្ធ សារី បានប្រកាសដំណឹងដ៏សែនក្រៀមក្រំមួយថា លោកតា រិទ្ធ សារី បានលាចាកលោកនេះបាត់ទៅហើយ ដោយរោគាពាធ។ ហ្វេសប៊ុកលោក ជា សំនៀង បានសរសេរ ទំាងទឹកភ្នែក ក្តុកក្តួល រំជួលចិត្ត ថា “សូមពូ ទៅឲ្យបានសុខ ក្នុងសុគតិភពចុះណាពូ ខ្ញុំបានជួយពូអស់លទ្ធភាពហើយ”។
ទទួលបានដំណឹងនេះភ្លាម ធ្វើឲ្យ អតីតតួឯក ក្នុងរឿង “ទុំទាវ” គឺ ស៊ុក សុភា រំជួលចិត្តយ៉ាងខ្លាំង ដល់ថ្នាក់ និយាយទំាងអួលដើម.ក ថា “តារាភាពយន្ដ ជើងចាស់ដ៏ល្បី នៃព្រះរាជាណាចក្រកម្ពុជា គឺលោកពុក រិទ្ធ សារី សព្វថ្ងៃ មានអាយុ80ជាងឆ្នាំ ហើយលោកពុកកំពុងមានជំងឺសម្រាកព្យាបាល នៅមន្ទីពេទ្យខេត្តបាត់ដំបង ហើយនៅពេលនេះ ពេទ្យអស់លទ្ធភាព ក្នុងការព្យាបាលជំងឺលោកពុកហើយ ហើយកូនចៅបានសុំយកមកសម្រាក នៅផ្ទះវិញ តែនៅពេលនេះ ម៉ោងនេះ លោកពុកបានលារហូតRIP
ជួយShareផងបងប្អូន អាណិតលោកពុកខ្លាំងណាស់ ពុកអើយពុក”។
មិនទាន់អស់ទេ ពេលទទួកបានដំណឹងដ៏សែនសោកស្តាយនេះភ្លាម ធ្វើឲ្យ តារាសម្តែងជើងចាស់ម្នាក់ទៀត គឺ លោក ទេព រិនដារ៉ូ បានត្រឹមបង្ហូរទឹកភ្នែក រួចពោលមួយឃ្លាយ៉ាង ថា “សូមឪទៅកាន់សុគតិភពចុះ”។
ខាងក្រោមនេះ ជារូបភាពចាស់ៗ កាលលោកតា រិទ្ធ សារី នៅសម្តែង មើលហើយពិតជាស្រណោះណាស់ ៖
Comments are closed, but trackbacks and pingbacks are open.