ធ្វើចិត្តមិនទាន់បាន! សាច់ញាតិដង្ហោយហៅព្រលឹងជនរងគ្រោះត្រឡប់ទៅផ្ទះវិញ ពេលទៅដល់កន្លែងធ្លាក់យន្តហោះ
សាច់ញាតិមួយចំនួននៃជនរងគ្រោះ ដែលអកុសលជួបឧប្បត្តិហេតុធ្លាក់យន្តហោះកាលពីពេលថ្មីៗកន្លងទៅ បាននាំគ្នាយំសោក និង ស្រែកដង្ហោយឱ្យមនុស្សជាទីស្រឡាញ់របស់ពួកគេវិលត្រឡប់មកផ្ទះវិញ នៅពេលដែលពួកគេបានទៅដល់ទីតាំងកើតហេតុក្នុងតំបន់ Guangxi។
ឈរពីក្រោយរោងបណ្ដោះអាសន្ននៅលើភ្នំ និង ក្នុងព្រៃនៃជនបទក្រុង Wuzhou តំបន់ Guangxi សាច់ញាតិនៃជនរងគ្រោះ ដែលបានស្លាប់ដោយការធ្លាក់យន្តហោះ បាននាំគ្នាកក់ផ្កាពណ៌-ស និង ពណ៌លឿង រួមទាំងធ្វើការដុតទៀន ដើម្បីកាន់ទុក្ខដល់មនុស្សជាទីស្រឡាញ់របស់ពួកគេ។ ក្នុងនោះដែរ មួយចំនួនទៀត ក៏បានដង្ហើយហៅសាច់ញាតិពួកគេត្រឡប់ទៅផ្ទះវិញ ខណៈមួយចំនួនទៀតបែរជាញ័រមាត់ ស្លុតអារម្មណ៍រហូតមិនយល់ថាខ្លួនឯងកំពុងនិយាយអ្វី។
ដៃកាន់ឆត្រ ខ្លួនពាក់អាវភ្លៀង ពួកគេជួយគ្នាឆ្លងកាត់ផ្លូវដីភក់លើភ្នំយ៉ាងលំបាក ទៅកាន់កន្លែងកើតហេតុ។ ការចុះទៅកន្លែងកើតហេតុផ្ទាល់នេះ ខាងអាជ្ញាធរក្នុងតំបន់អនុញ្ញាត ដោយសារតែសាច់ញាតិក្រុមគ្រួសារ ទទូចចង់ទៅពេក។
គួររំឭកថា ជើងហោះហើរលេខ MU5735 បានចាកចេញពីប្រលានយន្តហោះ Kunming Changshui International Airport ឆ្ពោះទៅទីក្រុង Guangzhou ខេត្ត Guangdong។ ទោះជាយ៉ាងណា មិនទាន់បានដល់គោលដៅផង ក៏ជួបហេតុការណ៍ធ្លាក់ផ្ទុះនៅតំបន់ភ្នំដាច់ស្រយាលនៅវេលាម៉ោង ២ និង ២១ នាទីរសៀល ថ្ងៃទី ២១ ខែមីនា ឆ្នាំ ២០២២៕
Comments are closed, but trackbacks and pingbacks are open.