ដំណឹងល្អ!! ដីឡើងថ្លៃ មនុស្សមានការងារធ្វើ! រោងចក្រតម្លៃជិត ៣លានដុល្លារ នឹងបង្ហាញខ្លួននៅខេត្តសំណាងនេះ
យោងតាមការចុះផ្សាយនៅលើកទំព័រហ្វេសប៊ុកផេកផ្លូវការណ៍របស់ក្រុមប្រឹក្សាអភិវឌ្ឍន៍កម្ពុជាហៅកាត់ថា CDC នាថ្ងៃទី៣១ ខែមីនា ឆ្នាំ២០២២ បានឱ្យដឹងថា គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជាបានសម្រេចចេញវិញ្ញាបនបត្រចុះបញ្ជីគម្រោងវិនិយោគ ជូនដល់ក្រុមហ៊ុន TOP NINGBO FASHION CO., LTD ក្នុងការបង្កើតរោងចក្រកាត់ដេរសម្លៀកបំពាក់។
ដោយការបើករោងចក្រកាត់ដេរខាងលើនេះ នឹងគ្រោងនឹងធ្វើការបោះទីតាំងនៅភូមិសំណង់ សង្កាត់រកាធំ ក្រុងច្បារមន ខេត្តកំពង់ស្ពឺ ក្នុងទុនវិនិយោគប្រមាណ ២,៤លានដុល្លារអាមេរិក និងអាចបង្កើតការងារបានចំនួន ៦០៣កន្លែង។
សូមបញ្ជាក់ថា នៅក្នុងនោះក៏មានក្រុមហ៊ុន KING LIM (CAMBODIA) CO., LTD ដែលជារោងចក្របោះពុម្ពលើស្លាកសញ្ញា និងផលិតគ្រឿងបន្សំសម្លៀកបំពាក់ ដែលនឹងរះនៅភូមិទួលកី សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញដែលបោះទុនវិនិយោគប្រមាណ ៣លានដុល្លារអាមេរិក និងអាចបង្កើតការងារបានចំនួន ២២៤កន្លែងផងដែរ។
សូមជម្រាបថា នាពេលប៉ុន្មានខែ ចុងក្រោយនេះយើងសង្កេតឃើញថា កំពង់ស្ពឺកំពុងតែក្លាយជាមេដែកដែលស្រូបយកបានវិនិយោគិន បោះទុនវិនិយោគទៅក្នុងខេត្តនេះច្រើនជាងគេ ហើយគម្រោងទាំងអស់ភាគច្រើនគឺសុទ្ធតែគម្រោងធំៗ ដែលចំណាយទុនខ្ទង់សែន ឬលានដុល្លារ៕
Comments are closed, but trackbacks and pingbacks are open.