អបអរសាទរ! លោកតា ព្រហ្មម៉ាញ ត្រូវបានសម្តេចវិបុលសេនាភក្តី សាយ ឈុំ បានចេញព្រះរាជក្រឹត្យតែងតាំងជា
ភ្នំពេញ ៖ ជាការពិតណាស់ជឿជាក់ថាប្រិយមិត្តពិតជាបានជ្រាបរួចមកហើយពីសិល្បៈជើងចាស់ផ្នែក អាយ៉ៃ លោកតា ព្រហ្មម៉ាញ រួចមកហើយដែលជាដៃគូដ៏ស័ក្តិសមជាមួយអ្នកស្រី នួន សារី ហៅ យាយយ៉យ ទទួលបានការចាប់អារម្មណ៍និងគាំទ្រពីសំណាក់មហាជនទាំងក្មេងចាស់ប្រុសស្រីជាច្រើន។
ជាក់ស្ដែងផងដែរនោះលោកតា ព្រហ្មម៉ាញ ក៏ទើបតែបានជាសះស្បើយពីជំងឺកាលពីពេលថ្មីៗនេះក្រោយជំងឺធ្វើទុក្ខខ្លាំង រហូតដល់សន្លប់ត្រូវយកទៅមន្ទីរពេទ្យភ្លាមៗដើម្បីសង្រ្គោះបន្ទាន់ផងដែរ ។
យ៉ាងណាមិញក្រោយភ្លៀងមេឃស្រឡះ ក្រោយជាសះស្បើយពីជំងឺមិនទាន់បានប៉ុន្មានផងនោះ ពេលនេះលោកតា ព្រហ្មម៉ាញ ត្រូវបានសម្តេចវិបុលសេនាភក្តី សាយ ឈុំ ប្រមុខរដ្ឋស្តីទីនៃព្រះរាជាណាចក្រកម្ពុជា បានចេញព្រះរាជក្រឹត្យ ត្រាស់បង្គាប់ផ្តល់គោរមងារកិត្តិយស នៃរាជបណ្ឌិត្យសភាកម្ពុជាជូនលោក ព្រហ្ម ម៉ាញ ជា «កិត្តិឧទ្ទេសបណ្ឌិត» ធ្វើអោយមហាជនអ្នកគាំទ្រជាច្រើនបានសម្ដែងការរំភើបនិងអបអរសាទរជាច្រើនតែម្ដង៕
Comments are closed, but trackbacks and pingbacks are open.