ដំណឹងល្អ! សម្ដេច ប្រកាសដំឡើងប្រាក់បៀវត្សរ៍ ដល់មន្ត្រីរាជការ កងកម្លាំងប្រដាប់អាវុធ ឆ្នាំ ២០២២ នេះ
នៅព្រឹកថ្ងៃទី ១៣ ខែមិថុនា ឆ្នាំ ២០២២ នេះ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតី ក្នុងពិធីបិទ និងប្រគល់សញ្ញាបត្រ ក្នុងវគ្គបណ្ដុះបណ្ដាលឆ្នាំ ២០២០-២០២១ និងបើកវគ្គបណ្ដុះបណ្ដាល ឆ្នាំ ២០២២ របស់សាលាភូមិន្ទរដ្ឋបាល ជាង ២ ពាន់នាក់ នៅរាជធានីភ្នំពេញ។
តាមរយៈពិធីខាងលើ សម្ដេចក៏បានប្រកាស ដំឡើងប្រាក់បៀវត្សរ៍ដល់មន្ត្រីរាជការ កងកម្លាំងប្រដាប់អាវុធ នៅឆ្នាំ ២០២២ នេះ តាមការសន្យា។
សម្តេចតេជោ បានបញ្ជាក់ទៀតថា ការឡើងនេះ គឺផ្តល់អាទិភាពដល់គ្រូបង្រៀន និងគ្រូពេទ្យ យ៉ាងហោចណាស់បានចំនួន ១.៥០០.០០០ រៀល ក្នុងមួយខែ ហើយការដំឡើងផ្សេងៗទៀតនោះ គឺធ្វើតាមរបៀបផ្សេង ដោយអ្នកប្រាកខែច្រើន ឡើងកម្រិតណាមួយ អ្នកប្រាក់ខែតិច ឡើងកម្រិតណាមួយ ដើម្បីឱ្យសមតុល្យនឹងគ្នា៕
Comments are closed, but trackbacks and pingbacks are open.