ម្ហូបមួយមុខនេះវាហាក់បីដូចជាមានឈ្មោះប្លែកបន្តិច ប៉ុន្តែវាមិនពិបាកធ្វើនោះទេ សម្រាប់បងៗដែលជាស្ត្រីមេផ្ទះទាំងឡាយ ព្រោះគ្រឿងផ្សំរបស់វាងាយស្រួលនិងរក។
គ្រឿងផ្សំ៖
-សាច់បន្ទះ ៥ បន្ទះ (សាច់ស៊ុទ្ធ ឬសាច់ ៣ ជាន់)
-ស្ពៃក្តោប ១០០ ក្រាម
-ផ្សិតស្រស់ ៥០ ក្រាម
-ខ្ញី ៥០ ក្រាម
-ទឹកធម្មតា ២៥០ មីលីលីត្រ
-មីមួយកញ្ចប់
-ស្លឹកខ្ទឹមមួយដើម
-ខ្ចឹមស ៣ ឬ ៤ កម្ពឹស
-ប្រេងខ្ចង មួយស្លាបព្រាបាយ
-អំបិល កន្លះស្លាបព្រាកាហ្វេ
-ប៊ីចេង កន្លះស្លាបព្រាកាហ្វេ
-ស្ករស មួយស្លាបព្រាកាហ្វេ
-ម្រេចម៉ត់ កន្លះស្លាបព្រាកាហ្វេ
វិធីធ្វើ៖
-ប្រើសាច់សុទ្ធមកលាងឲ្យស្អាតទុកមួយអន្លើឲ្យស្រសទឹក។ ស្ពៃក្តោបអ្នកត្រូវហាន់ឲ្យតូចៗដូចហាន់ស្ងោ។ ផ្សិតអ្នកគួរតែប្រើផ្សិតដែកគោលស្រស់លាងទឹកឲ្យស្អាត។ ខ្ញីជិតសម្បកលាងទឹកឲ្យស្អាតពុះជា ២ ហាន់ជាបញ្ឆិត ឬជាបណ្តោយៗទុកមួយអន្លើ។
-ខ្ចឹមចិញ្រាំឲ្យម៉ត់ដាក់បំពងឲ្យឈ្ងុយ បន្ទាប់មកដាក់បន្ថែមសាច់ដែលបានលាងសម្អាតទុកនោះចូលអ្នក ត្រូវចៀនសាច់ឲ្យក្រាម បន្ទាប់មកធ្វើការប្រែទៅម្ខាងទៀតជាបន្តអ្នកត្រូវ បន្ថែមទឹកប្រេងខ្ចង ចូលចំនួន មួយស្លាព្រាបាយ រួចបន្ថែមអំបិលកន្លះស្លាព្រាកាហ្វេ ប៊ីចេងកន្លះស្លាព្រាកាហ្វេ ស្ករសមួយស្លាព្រាកាហ្វេ ម្រេចកន្លះស្លាព្រាកាហ្វេដំណាក់ការជាបន្តអ្នកត្រូវបន្ថែមស្ពៃក្តោម ផ្សិតចូ លឆាមួយត្រឡប់ បន្ទាប់មកចាំយក សាច់ចេញក្រៅរួចហើយអ្នកគួរតែបន្ថែមទឹកធម្មតាក្នុងចំណុះ ២៥០ មីលីលីត្រ(សមល្មម) ចាំមួយរំពុះទុកមួយអន្លើ។
-ដាក់ដាំទឹកឲ្យពុះរួចបន្ថែមមីចូលរងចាំរយះពេល ៣ នាទី បន្ទាប់មកស្រងមីចេញទុកឲ្យស្រសទឹកការស្រេច។
-ដួសទឹកស៊ុបដាក់ក្នុងចានកន្លះចាន បន្ទាប់មកដាក់មីចូលក្នុងចានរួចហើយ បន្ថែមទឹកស៊ុបចូលឲ្យបានកាចចានជាបន្តបន្ថែមសាច់ដែលបានស្រងចេញ នោះពីលើ បន្ទាប់មកហាន់ស្លឹកខ្ទឹមដាក់បន្ថែមពីលើជាការស្រេច។ អ្នកអាចបន្ថែមស៊ុតទាមួយគ្រាប់ទៀតក៏បាន៕
Comments are closed.