ចេក គឺជាផ្លែឈើម្យ៉ាងដែលសម្បូរទៅដោយវីតាមីន ដែលផ្តល់អត្ថប្រយោជន៍យ៉ាងច្រើនសម្រាប់សុខភាព ហើយវាក៏ត្រូវបានគេយកទៅធ្វើជាអន្លក់ ឬក៏នំផ្សេងៗ។ ហើយខាងក្រោមនេះដែរ គឺជាវិធីធ្វើបង្អែមចេកខ្ទិះ ដែលស្ត្រីមេផ្ទះគ្រប់រូបតែងតែចូលចិត្តធ្វើសម្រាប់ពិសារលាងមាត់ក្រោយពេលបាយរួច។
គ្រឿងផ្សំ
– ចេកទុំ ៧ ផ្លែ
– ស្កសរ ៣០០០ ក្រាម
– ដូងទុំមួយចំហៀង
– សាគូ ៥០ ក្រាម
វិធីធ្វើ
១. បកសំបកចេកឲ្យស្អាត បន្ទាប់មកពុះចេកជាពីទុកមួយអន្លើ។
២. កោសដូងពូតយកខ្ទិះដើម នឹងខ្ទះចុង ដាក់ទឹកតែបន្តិច ឬក៏មិនបាច់ដាក់ក៏បានដែរ។ ពូតដាក់ក្នុងកូនចានតូចមួយទុកសម្រាប់ស្រោចពីលើបង្អែមចំណែកខ្ទិះចុងចាក់ចូលក្នុងឆ្នាំងតូចល្មមមួយ។
៣. លាងសាគូឲ្យស្អាត បន្ទាប់មកចាក់សាគូព្រមទាំងចេកចូលទៅក្នុងឆ្នាំងទឹកខ្ទិះដាក់ដាំលើភ្លើង ចាំរហូតដល់សាគូរីកសុំដាក់ស្ករ និងអំបិលចូលឲ្យរលាយជាការស្រេច។
៤. ពេលដែលចាក់ញ៉ាំ សូមស្រោចខ្ទិះដើមបន្តិចពីលើ៕
Comments are closed.