+ ការរៀបចំស្រះ៖
– ជីកស្រះជម្រៅ ១-១,៥ ម៉ែត្រ និងទំហំ ១០០ម៉ែត្រការេឡើង កម្រិតទឹកថ្លាខាងលើប្រមាណ ៣តឹក
– ជ្រើសរើសទីតាំងជីកស្រះនៅជិតផ្ទះ និងស្ងប់ស្ងាត់ ងាយស្រួលក្នុងការមើលថែ ផ្គត់ផ្គង់ទឹក និងឲ្យចំណី ។ មាត់ស្រះត្រូវយកស័ង្កសី ឬសំណាញ់ព័ទ្ធជុំវិញ ប្រវែង១ម៉ែត្រ ដើម្បីកុំឲ្យកន្ធាយវារឡើងចេញពីស្រះ
– សម្រាប់ជាម្លប់ដល់កន្ធាយ យើងត្រូវដាំដំណាំហូបផ្លែនៅតាមមាត់ស្រះ និងដាក់ដាំត្រកួន កំប្លោក កញ្ឆែតក្នុងស្រះ
– ត្រូវរៀបចំកន្លែងដែលមានដាក់បន្ទះឬស្សីរាងទេរបន្តិចដើម្បីឲ្យវាឡើងហាលថ្ងៃបាន
– ត្រូវធ្វើកន្លែងសម្រាប់ឲ្យកន្ធាយឡើងហាលថ្ងៃបាន ដោយត្រូវដាក់ឬស្សីរាងទេរបន្តិច
– នៅបាតស្រះត្រូវដាក់ភក់កម្រាស់១-២តឹ និងដាក់ទឹកបញ្ចូលជិតពេញស្រះ បន្ទាប់មកបាចកំបោរស ប្រមាណ១គីឡូ ទុកចោលប្រហែល ២អាទិត្យ ។ បន្តមកទៀតយកថ្នាំធ្វើឲ្យទឹកស្អាតចាក់ចូលស្រះ ឲ្យបាន១អាទិត្យសិន សឹមលែងកូនកន្ធាយចូលស្រះ
– យើងអាចរៀបចំជាស្រះស៊ីម៉ងត៍ទៅតាមលទ្ធភាព។
+ ការជ្រើសរើសពូជ៖
– យកពូជដែលមិនមានជំងឺ ឬមានរបួស ដាច់ រលាត់ ជាពូជដែលមាំមួន មានទម្ងន់ ១០០ក្រាមសម្រាប់ ចិញ្ចឹម ហើយយកប៉ុនៗគ្នា ដាក់ចិញ្ចឹមក្នុងចន្លោះខែកុម្ភៈ ដល់ឧសភាទើបល្អ
– អត្រាចិញ្ចឹមគឺ ៤-៥ក្បាល ក្នុង១ម៉ែត្រការេ មុនដាក់កន្ធាយក្នុងស្រះត្រូវយកកូនកន្ធាយលែងក្នុងសំណាញ់ ១អាទិត្យសិន ដើម្បីមើលកូនណាដែលមិនល្អយកចេញ ។
+ ការឲ្យចំណី៖
– ការប្រលែងកូនដំបូង ត្រូវស្ងោរដំឡូងជ្វាផុយល្មម កិនឲ្យបែកតូចៗ យកទៅចាក់លើក្ដាមាត់ស្រះឲ្យវាស៊ី បន្ទាប់ពី១ខែក្រោយ យើងអាចចិញ្ច្រាំដំឡូងឆៅល្អិតៗដាក់ឲ្យវាស៊ីបាន
– មិនត្រូវផ្លាស់ប្តូរកន្លែងដាក់ចំណីរបស់វាទេ ដើម្បីឲ្យវាចាំកន្លែងមកស៊ីចំណី ត្រូវបំបែកចំណីទៅតាមទំហំមាត់កន្ធាយដែលវាអាចស៊ី
– បន្ទាប់ពី៣ខែក្រោយ យើងអាចដាក់ចំណីដូចជា សត្វល្អិតរស់ក្នុងទឹក កំពិស ត្រី ជន្លេន លាស ក្តាម និងកង្កែប ឬផ្លែឈើនិងគ្រាប់រុក្ខជាតិផ្សេងៗ និងចិញ្ចឹមត្រីតូចៗក្នុងស្រះជាដើម
– ចំពោះចំណីច្នៃមានដូចជា កន្ទក់ សណ្តែកសៀងកិន ម្សៅត្រីដែលមិនប្រឡាក់ប្រៃ បិរិមាណចំណីឲ្យវាស៊ីប្រមាណ៥-៨%នៃទម្ងន់ខ្លួនកន្ធាយ ឲ្យវាស៊ី២-៣ដងក្នុង១ថ្ងៃ និងមិនត្រូវដាក់លើស ឬខ្វះ
– សម្រាប់វដូវវស្សាយើងអាចបើកមាត់ស្រះសងខាងរួចយកសំណាញ់ដាក់ទប់កុំឲ្យកន្ធាយចេញរួច វិធីនេះអាចឲ្យត្រី និងសត្វផ្សេងៗនៅក្នុងទឹកចូលមកក្នុងស្រះដើម្បីជាចំណីរបស់វា ដែលអាចបានរយៈពេល២ឬ៣ខែដែរ។
– ក្នុងរដូវវស្សាយើងអាចបើកមាត់ស្រះសងខាងដើម្បីឲ្យត្រី និងសត្វផ្សេងៗនៅក្នុងទឹកចូលមកក្នុងស្រះ ក្លាយជាចំណីរបស់វាបានរយៈពេល ២ ឬ៣ខែដែរ ។ ហើយត្រូយកសំណាញ់ដាក់ទប់សងខាងមាត់ស្រះ ដែលបើក ដើម្បីកុំឲ្យកន្ធាយចេញរួច ។
+ ការថែទាំ៖
– មិនត្រូវដាក់ចំណី ត្រីផ្សេងៗដែលស្អុយឲ្យវាស៊ីនោះទេ វាអាចបណ្តាលឲ្យកន្ធាយកើតជម្ងឺពោះវៀន
– ត្រូវផ្លាសប្ដូរទឹក ដែលត្រូវបូមទឹកចាស់ចេញ ២០% រួចបូមទឹកល្អចូលវិញ ត្រូវផ្លាស់ប្ដូរមើលតាម ស្ថានភាពទឹកនៅពេលឃើញថាកខ្វក់ ជៀសវាងកុំឲ្យវាកើតជម្ងឺអុច ស
– នៅពេលដែលវាមានជម្ងឺ ត្រូវចាប់វាមកខ្វេះលាងសម្អាតកន្លែងដែលមានជម្ងឺចេញ និងដាក់ថ្នាំទុក ២០នាទី ទើបដាក់ចូលស្រះវិញ
– រាល់៤ខែម្ដង ត្រូវបូមទឹកចេញ រួចចាប់កន្ធាយ មកពិនិត្យជម្ងឺ និងលាងសម្អាតវា និងត្រូវដាក់ថ្នាំសម្អាតទឹក
– មិនត្រូវឲ្យមានការរំខានពីសត្វផ្សេងៗ ឬមនុស្សឡើង កន្ធាយជាសត្វត្រូវការភាពស្ងប់ស្ងាត់
– បន្ទាប់ពីរយៈពេល១២ខែក្រោយមក យើងអាចចាប់វាលក់បានដែលមានទម្ងន់ពី៨ខាំ ទៅ១,២ គីឡូក្រាម ដែលវាមានតម្លៃប្រមាណ ១០-១២ដុល្លា ក្នុងមួយគីឡូ ៕
Comments are closed.