អរគុណក្រុមគ្រូពេទ្យ!! ថ្ងៃនេះករណីឆ្លង និងស្លាប់ថ្មីធ្លាក់ចុះច្រើនមែនទែន ខណៈអ្នកជាសះស្បើយក៏មានច្រើនដែរ…
ក្រសួងសុខាភិបាល នៅថ្ងៃទី២៣ ខែសីហា ឆ្នាំ២០២១នេះ បានចេញសេចក្តីប្រកាសពីករណីឆ្លងជំងឺកូវីដ១៩ សរុបចំនួន ៤១០នាក់ ជាសះស្បើយ ៥៣៧នាក់ និងស្លាប់១៦ នាក់។
ក្នុងសេចក្តីប្រកាសព័ត៌មានរបស់ក្រសួងសុខាភិបាល បានបញ្ជាក់ថាក្នុងចំណោមករណីឆ្លងថ្មីខាងលើនោះមាន ៖ អ្នកឆ្លងក្នុងសហគមន៍មាន ២៧៨នាក់ និងអ្នកដំណើរពីបរទេសមាន ១៣២នាក់។
គួរបញ្ជាក់ផងដែរថា គិតមកដល់ពេលនេះ ប្រទេសកម្ពុជាបានរកឃើញអ្នកឆ្លងសរុបទូទាំងប្រទេសចំនួន ៨៩,៦៤១នាក់ អ្នកជាសះស្បើយសរុប ៨៦,៦១៨នាក់ និង មានអ្នកស្លាប់សរុប១,៨០៨នាក់ ។
សូមបងប្អូនប្រជាពលរដ្ឋមេត្តាប្រុងប្រយ័ត្នឱ្យបានខ្ពស់ជាទីបំផុត ត្រូវកុំភ្លេចអនុវត្តនូវវិធានការដ៏មានប្រសិទ្ធភាព គឺ៣កុំ និង៣ការពារ ព្រមទាំងចូលរួមចាក់វ៉ាក់សាំងដើម្បីបង្កាវីរុសដ៏កាចសាហាវនេះ ៕
Comments are closed, but trackbacks and pingbacks are open.