មិនទាន់ចប់ទេ ! រដ្ឋមន្ត្រីក្រសួងធម្មការ និងសាសនា ស្នើឲ្យចាត់វិធានការផ្លូវច្បាប់ចំពោះបុគ្គលឈ្មោះផែង វណ្ណៈ ពីបទ ប្រ មា ថ ចំពោះព្រះសង្ឃ

(ភ្នំពេញ)៖ យោងតាមលិខិតចូល អយ្យការអមសាលាដំបូងខេត្តកណ្ដាល នៅថ្ងៃទី២២ ខែមីនា ឆ្នាំ២០២១នេះ រដ្ឋមន្ត្រីក្រសួងធម្មការ និងសាសនា ស្នើសុំព្រះរាជអាជ្ញាអមសាលាដំបូងខេត្តកណ្ដាល ចាត់វិធានការផ្លូវច្បាប់ចំពោះបុគ្គលឈ្មោះផែង វណ្ណៈ ពីបទ ប្រ មា ថ ចំពោះព្រះសង្ឃ តាមមាត្រា៥១៦, បទញុះញង់ឲ្យមានការរើសអើង មាត្រា៤៩៦ និងបទគំ​ រា​ មថានឹង ស ម្លា ប់ មាត្រា២៣៣ នៃក្រមព្រហ្មទណ្ឌ។

ក្នុងលិខិតលោករដ្ឋមន្រ្តី បានបញ្ជាក់ថា៖ កាលពីថ្ងៃទី១៤ ខែមីនា ឆ្នាំ២០២១ ឈ្មោះ ផែង វណ្ណៈ បានធ្វើការបង្ហោះ វីដេអូផ្សាយផ្ទាល់(Live) លើផេករបស់ខ្លួនដែលមានឈ្មោះ Pheng Vannak News ដោយបាន ជេ រ ប្រ មា ថ មកលើព្រះសង្ឃ និងពោលពាក្យគម្រាមកំហែងញុះញង់ឱ្យមានការរើសអើងចំពោះព្រះសង្ឃ ព្រះពុទ្ធសាសនា ដែលជាសាសនារបស់រដ្ឋ មិនតែប៉ុណ្ណោះបានប្រមាថយ៉ាងធ្ងន់ធ្ងរដល់អាយុជីវិតរបស់អ្នកបួស ដោយបាននិយាយថា

«ប្រសិនបើ វា យ កូនខ្ញុំបែបនេះ ខ្ញុំអត់ទៅប្តឹងទេ ខ្ញុំទៅ បា ញ់ ចោ លតែម្ដង ចំពោះអ្នកប្រព្រឹត្ត» ដែលជាចេតនាគម្រាមកំហែងថានឹង ស ម្លា ប់ ដែលមានបញ្ញត្តិក្នុងក្រមព្រហ្មទណ្ឌ និងចោទបន្ថែមលើព្រះគ្រូ ចៅអធិការវត្តបូណ៍នូវពាក្យមិនពិតដោយពោលថា «លោកជាជនរងគ្រោះ រត់គេចខ្លួន ព្រោះខ្លាចគេតាមធ្វើបាប មិនហ៊ានចូលផ្ទះទៀតផង» និង វា យ ប្រ ហា រ មន្ត្រីថេរសភាសង្ឃខេត្ត ដែលធ្វើឱ្យប៉ះពាល់ដល់កិត្តិយស សេចក្ដីថ្លៃថ្នូរ ព្រះពុទ្ធសាសនា ដែលជាសាសនារបស់រដ្ឋយ៉ាងខ្លាំង។

«ក្នុងនាមក្រសួងធម្មការ និងសាសនា សូមថ្កោលទោសលើបុគ្គលឈ្មោះ ផែង វណ្ណៈ ចំពោះសកម្មភាព ដូចបានរៀបរាប់ខាងលើនេះ និងស្នើសុំឱ្យឯកឧត្តមព្រះរាជអាជ្ញា ចាត់វិធានការចំពោះបុគ្គលរូបនេះ តាមច្បាប់ជាធរមាន។ អាស្រ័យហេតុនេះ សូម ឯកឧត្តមព្រះរាជអាជ្ញា មេត្តាធ្វើការចោទប្រកាន់ជនល្មើស ដើម្បីផ្តន្ទាទោស តាមផ្លូវច្បាប់ជាធរមាន»។ នេះបើតាម លោក ឈិត សុខុន រដ្ឋមន្រ្តីក្រសួងធម្មការ និងសាសនាកម្ពុជា។