ដំណឹងល្អណាស់! អេស្ប៉ាញ កំពុងតេស្តថ្នាំគ្រាប់ព្យាបាលកូវីដលើកចុងក្រោយ ជាថ្នាំវ៉ៃលុកមេរោគផ្ទាល់ ដែលមានប្រសិទ្ធភាពខ្លាំងរហូតដល់….
និយ័តករប្រទេសអេស្ប៉ាញ បានបើកភ្លើងខៀវឱ្យក្រុមហ៊ុន PharmaMar ចាប់ផ្ដើមការសាកល្បងថ្នាំដែលសន្យាថាអាចព្យាបាលជំងឺកូវីដ-១៩ នៅដំណាក់កាលទី ៣ ហើយ នេះបើតាមការប្រកាសរបស់ក្រុមហ៊ុនផលិតថ្នាំនេះ កាលពីថ្ងៃព្រហស្បតិ៍កន្លងទៅ ។
ក្នុងការធ្វើតេស្តនៅមន្ទីរពិសោធ ក្រុមអ្នកស្រាវជ្រាវអន្តរជាតិ បានរកឃើញថា ថ្នាំគ្រាប់ plitidepsin គឺមានប្រសិទ្ធភាពរហូតដល់ ២៧.៥ ដង ជាងថ្នាំគ្រាប់ដ៏ល្បី remdesivir ទៅទៀត ក្នុងការទប់ស្កាត់ការចម្លងវីរុសក្នុងកោសិកាមនុស្ស ។ ចំណុចខ្លាំងមួយទៀតរបស់ថ្នាំនេះគឺជាថ្នាំវាយប្រហារលើវីរុសផ្ទាល់ ហើយថ្នាំ plitidepsin ក៏ធ្វើការរាំងខ្ទប់មេប្រូតេអ៊ីន ដែលមិនអនុញ្ញាតឱ្យវីរុសសាយភាយពេញរាងកាយទៀតផង ។
ក្រុមហ៊ុន PharmaMar រំពឹងថា នឹងបញ្ចេញថ្នាំគ្រាប់នេះទៅព្យាបាលអ្នកជំងឺច្រើនជាង ៦០០ នាក់ នៅពេលណាក្រុមហ៊ុនខ្លួនទទួលបានការអនុញ្ញាតដាក់ចេញឱ្យប្រើប្រាស់ ។ គោលបំណងចម្បងនៃការសាកល្បងថ្មីនេះ គឺដើម្បីប្រៀបធៀបថ្នាំ plitidepsin ទៅនឹងការព្យាបាលតាមស្តង់ដារនៃថ្នាំ dexamethasone ឬ dexamethasone ផ្សំជាមួយថ្នាំ remmdesivir លើអ្នកជំងឺកូវីដ-១៩ កម្រិតមធ្យមនៅមន្ទីរពេទ្យ ។
ភាពជោគជ័យរបស់វា នឹងត្រូវបានវាយតម្លៃដោយអ្នកជំងឺមួយចំនួន ដែលជាសះស្បើយទាំងស្រុងក្នុងថ្ងៃទី ៨ នៃការឆ្លង និង អ្នកជំងឺដែលមិនបញ្ជូនទៅមន្ទីរពេទ្យក្នុងរយៈពេលប៉ុន្មានខែបន្ទាប់ ៕
Comments are closed, but trackbacks and pingbacks are open.