ដំណឹងថ្មី!! អស្ចារ្យណាស់ វ៉ាក់សាំង Sinopharm (សុីណូហ្វាម វ៉ាក់សាំងចិន) មានប្រសិទ្ធភាពប្រឆាំងវីរុស បំប្លែងខ្លួនថ្មី បានជាង ១០ ប្រភេទ…
ប្រទេសចិន បច្ចុប្បន្នបាននឹងកំពុងបង្កើនផែនការចាក់វ៉ាក់សាំងរបស់ប្រទេសខ្លួន ដើម្បីបង្កើនប្រព័ន្ធការពារភាពស៊ាំឱ្យកាន់តែទូលំទូលាយជាងមុន ។
ផែនការនេះ គឺផ្ដោតលើក្រុមមនុស្សចម្បងមួយចំនួនរួមមាន អ្នកដែលរស់នៅក្នុងក្រុងធំ ឬ មធ្យម នៅតាមផែក្រុង ឬ តំបន់ព្រំដែន បុគ្គលិកសហគ្រាសគ្រប់គ្រងដោយរដ្ឋ សិស្សនិស្សិត និង គ្រូសាស្ត្រាចារ្យ រួមទាំងបុគ្គលិកតាមផ្សារទំនើប ។
ក្នុងនោះដែរ មនុស្សដែលមានវ័យលើស ៦០ ឆ្នាំ ឬ មានជំងឺរ៉ាំរ៉ៃ ក៏អាចទទួលវ៉ាក់សាំងការពារប្រឆាំងវីរុសនេះផងដែរ នេះបើតាមប្រសាសន៍របស់លោក Wu Liangyou អនុប្រធានការិយាល័យគ្រប់គ្រងជំងឺ NHC ។
វ៉ាក់សាំងរបស់ប្រទេសចិន ត្រូវបានប្រទេសជាច្រើនទទួលស្គាល់ និងអនុញ្ញាតឱ្យប្រើប្រាស់ក្នុងករណីបន្ទាន់ ដោយក្នុងនោះវ៉ាក់សាំង Sinopharm គឺត្រូវបានអនុញ្ញាតឱ្យប្រើប្រាស់លើពលរដ្ឋពីប្រមាណជាង ១៩០ ប្រទេស ។
លោក Zhang Yuntao អនុប្រធានក្រុមហ៊ុន China National Biotec Group ដែលជាប់ទាក់ទងនឹងក្រុមហ៊ុន Sinopharm បានបញ្ជាក់ថា វ៉ាក់សាំង Sinopharm បានរកឃើញថា មានប្រសិទ្ធភាពប្រឆាំងនឹងវីរុសបំប្លែងខ្លួនថ្មីជាង ១០ ប្រភេទ ដែលរកឃើញនៅប្រទេសអង់គ្លេស អាហ្វ្រិកខាងត្បូង រួមនឹងតំបន់ដទៃទៀត ។
លោក Zhang បានបន្ថែមទៀតថា ការធ្វើតេស្តបន្ថែមទៀត កំពុងដំណើរការលើវីរុសបំប្លែងថ្មីដែលរកឃើញក្នុងប្រទេសប្រេស៊ីល និងប្រទេសហ្ស៊ីមបាវេ ។ ព្រមគ្នានោះ ទិន្នន័យស្រាវជ្រាវលើក្មេងដែលមានអាយុពី ០៣ ទៅ ១៧ ឆ្នាំ គឺបានដូចការរំពឹងទុក ដែលនេះបង្ហាញឱ្យឃើញថា ក្រុមមនុស្សទាំងនេះ អាចនឹងរួមបញ្ចូលក្នុងគម្រោងចាក់វ៉ាក់សាំងនៅពេលអនាគតខាងមុខ ៕ ប្រភព៖ CCTV
Comments are closed, but trackbacks and pingbacks are open.