ផ្ដើមជាមួយអក្សរ គ

1- គយ​ដាស់​គយ​ឲ្យ​អង្ករ ។
2- គាប់​នឹង​ស្រា ជា​នឹង​បាយ ។
3- គិត​ច្រើន​វា​ឃ្លាត ដេក​ច្រើន​វា​កើត​ព្យាធិ៍ ។
4- គិត​រួច​សឹម​គូរ ។
5- គុណ​មិន​ឈ្នះ​គាប់ ទ្រព្យ​មិន​ឈ្នះ​ត្រូវ ។
6- គូរ​រូប​ខ្លា​ឲ្យ​គោ​ខ្លាច ឬ គូរ​រូប​ខ្លា​បង្អើល​គោ ។
7- គេ​ខុស​កុំ​អាល​អរ គេ​សាទរ​កុំ​អាល​អួត ។
8- គេ​ប្រាប់​កុំ​អាល​ឆោត គេ​បំពោត​កុំ​អាល​ភ្ញាក់ ។
9- គេ​ប្រើ​កុំ​អាល​ទៅ គេ​ហៅ​កុំ​អាល​មក គេ​ឲ្យ​កុំ​អាល​យក គេ​សង្ឃក​កុំ​អាល​ថយ ។
10- គេ​ស៊ី​ពង ឯង​រង​សំបុក (កាល​ណា​កើត​ឧកឡុក វា​រយោង​ដូច​សម្ល​កំពឹស) ។
11- គេ​ស្លាប់​កុំ​អាល​យំ យល់​គេ​ធំ​កុំ​អាល​ត្រេក ។
12- គេ​ឲ្យ​ដើរ​មុខ​មិន​ចេះ​បង់បោយ គេ​ឲ្យ​ដើរ​ក្រោយ​មិន​ចេះ​រែក ។
13- គោ​គេ​មិន​អួត អួត​តែ​គោ​ឯង ។
14- គោ​ដំបៅ​ខ្នង ក្អែក​ហើរ​រំលង​រំភាយ​កន្ទុយ ។
15- គោ​ផ្អើល​មិន​គិត ទៅ​គិត​ឯ​ទាស់​គ្នា ។
16- គោ​មួយ​ក៏​យប់ គោ​ដប់​ក៏​ល្ងាច ។
17- គោ​លឿន​សឹក​ក ស្រី​ល្អ​សឹក​គូថ ។
18- គោ​សាំង​ខ្លាំង​ជល់ ។
19- គោ​ស្គម​ថ្នម​ប្រើ ។
20- គំនិត​លើ​ខ្លួន ទៅ​ពួម​ស៊ី​ឯ​ស្លឹក​ថ្នឺង ។
21- គំនុំ​ព្នង បំណងស្ដេច ។