គួរឱ្យអាណិត! ក្មេងតូចៗជាច្រើនត្រូវចូលយកសំណាក ក្រោយរកឃើញកូវីដបំប្លែងថ្មី Delta នៅខណ្ឌព្រែកព្នៅ
នៅរសៀលថ្ងៃទី ២៣ ខែសីហា ឆ្នាំ ២០២១ នេះ អនុគណៈកម្មការស្រាវជ្រាវ និង តាមដានជំងឺកូវីដ-១៩ បានផ្ដល់ព័ត៌មានពីការរកឃើញ ករណីកូវីដ-១៩ បំប្លែងថ្មីប្រភេទ Delta នៅភូមិអណ្ដូង សង្កាត់គោករការ ខណ្ឌព្រែកព្នៅ រាជធានីភ្នំពេញ ។
ជាក់ស្ដែង នៅព្រឹកនេះវេលាម៉ោង ១០ និង ៣០ នាទី ក្រុមគ្រូពេទ្យបានចុះយកសំណាក ប្រជាពលរដ្ឋដែលរស់នៅទីតាំងខាងលើ ដែលក្នុងនោះគេសង្កេតឃើញថា មានកុមារជាច្រើន ត្រូវបានទៅយកសំណាក បន្តគ្នាជាហូរហែគួរឱ្យអាណិត ។
ដូច្នេះហើយ ចំពោះរឿងនេះ ខាងអនុគណៈកម្មការ បានអំពាវនាវឱ្យប្រជាប្រពលរដ្ឋ ដែលធ្លាប់ទៅដល់ ឬ បានប៉ះពាល់ជាមួយអ្នករស់នៅទីតាំងខាងលើ មេត្តាតាមដានសុខភាពរយៈពេល ២១ ថ្ងៃដើម្បីសុវត្ថិភាព និង សូមចូលរួមពាក់ម៉ាស់ រក្សាគម្លាត ឧស្សាហ៍លាងដៃ គ្រប់ទីកន្លែង គ្រប់ពេលវេលា ៕
Comments are closed, but trackbacks and pingbacks are open.