យោងតាមលិខិតប្រកាសព័ត៌មានរបស់រដ្ឋបាលខេត្តកែបបានឱ្យដឹងថា នៅថ្ងៃទី១៥ ខែកញ្ញា ខាងមុខនេះ រដ្ឋបាលខេត្តគ្រោងដាក់ឱ្យដំណើរការការអនុវត្តគម្រោងវិនិយោគសាងសង់ចំណតជលយាន(កំពង់ផែសេះស)។
ផ្អែកតាមការសិក្សាវាយតម្លៃការអនុវត្តគម្រោង ដោយគណៈកម្មការចម្រុះទទួលបានការឯកភាពពីក្រសួងសេដ្ឋកិច្ច និងហិរញ្ញវត្ថុ នោះរដ្ឋបាលខេត្តកែបគ្រោងដាក់ឱ្យដំណើរការអនុគម្រោងវិនិយោគសាងសង់ចំណតជលយាន (កំពង់ផែសេះស) ចាប់ពីថ្ងៃទី១៥ ខែកញ្ញា ឆ្នាំ២០២១ ខាងមុខនេះ។
គួរបញ្ជាក់ថា ការអនុវត្តគម្រោងវិនិយោគសាងសង់ចំណតជលយាន(កំពង់ផែសេះស) នេះមានគោលបំណងចូលរួមអភិវឌ្ឍសេដ្ឋកិច្ចជាតិ បង្កើតឱកាសការងារ លើកកម្ពស់កម្រិតជិវភាពរស់នៅប្រចាំថ្ងៃ និងកាត់បន្ថយភាពក្រីក្ររបស់ប្រជាពលរដ្ឋនៅក្នុងខេត្តកែប។
ស្របជាមួយគ្នានេះដែរ យោងតាមសេចក្តីប្រកាសព័ត៌មាន គណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា (គ.អ.ឆ.ក) បានជម្រាបជូនសាធារណជនឱ្យបានជ្រាបថា ផ្នែកតាមស្មារតីនៃកិច្ចប្រជុំ គ.អ.ឆ.ក កាលពីថ្ងៃទី ២២ ខែកក្កដា ឆ្នាំ២០២១ រាជរដ្ឋាភិបាលបានអនុញ្ញាតជូន គ.អ.ឆ.ក អនុវត្តគម្រោងកែលម្អឆ្នេរភក់ទៅជាខ្សាច់កម្សាន្តសាធារណៈកម្រិតខ្ពស់ប្រវែង២ ៧០០ម៉ែត្រ ចាប់ពីផ្សារក្តាមទៅដល់ព្រៃកោងកាង ស្ថិតនៅភូមិថ្មី សង្កាត់ព្រៃធំ ក្រុងកែប ដោយត្រូវ៖
-រៀបចំកែលម្អឆ្នេរខ្សាច់កម្សាន្តសាធារណៈកម្រិតខ្ពស់តាមបណ្តោយឆ្នេរសមុទ្រ ដែលមានទទឹងប្រវែងយ៉ាងតិច ៣០ម៉ែត្រ និងបណ្តោយប្រវែង២ ៧០០ម៉ែត្រ ដោយការរៀបចំគ្រឹះ និងចាក់ខ្សាច់សល្អសម្រាប់ឆ្នេរខ្សាច់កម្សាន្តសាធារណៈ
-រៀបចំសួនច្បារសាធារណៈ និងដាំដើមឈើនៅលើដីចំណីឆ្នេរសមុទ្រដែលមានទទឹងប្រវែង៥០ម៉ែត្រ និងបណ្តោយប្រវែង២ ៧០០ម៉ែត្រ ដោយការរៀបចំគ្រឹះ និងចាក់ដីមានជីជាតិល្អសម្រាប់សួនច្បារនិងដាំដើមឈើ
-ថវិកាសម្រាប់ការរៀបចំកែលម្អឆ្នេរខ្សាច់សាធារណៈ សួនច្បារសាធារណៈ និងដាំដើមឈើនៅលើដីចំណីឆ្នេរសមុទ្រជាការចូលរួមរបស់ម្ចាស់ដីនៅជាប់ផ្លូវឆ្នេរសមុទ្រ ជាថ្នូរនឹងការទទួលបានដីប្រវែង៥០ម៉ែត្រ បន្តព្រំដីកម្មសិទ្ធឆ្ពោះទៅសួនច្បារ។
ខាងក្រោមនេះជាសេចក្តីលម្អិត៖
Comments are closed, but trackbacks and pingbacks are open.