ដំណឹងល្អ!! ចិនគ្រោងក្លូនពូជដាយណូស័រ ដំបូងគេបង្អស់ ដើម្បីរស់លើផែនដីជាមួយមនុស្សឆាប់ៗនេះហើយ…
នៅមណ្ឌលកំណាយនៃទីក្រុង Ganzhou ភាគខាងត្បូងប្រទេសចិន អ្នកស្រាវជ្រាវបានរកឃើញអំប្រ៊ីយ៉ុងដែលមានអាយុពី ៧២ ទៅ ៦៦ លានឆ្នាំ នៅក្នុងស៊ុតហ្វូស៊ីលដាយណូស័រដែលកប់ក្នុងថ្ម។
អំប្រ៊ីយ៉ុងដែលជីកមកត្រូវបានគេហៅឈ្មោះថា «Baby Yingliang ឬ ទារកយីងលាំង» ជាពូជដាយណូស័រ theropod ជាអំបូរដាយណូស័រគ្មានធ្មេញហៅថា oviraptorosaur។ Oviraptorosaurs រស់នៅកំឡុងសម័យ Cretaceous (១៤៥ ទៅ ៦៦ លានឆ្នាំមុន) នៅភូមិភាគអាស៊ី និង ប៉ែកអាមេរិកខាងជើង។
ការរកឃើញគួរឱ្យចាប់អារម្មណ៍បំផុត គឺឥរិយាបថរបស់អំប្រ៊ីយ៉ុងបានប្រកាសដោយកំណាយវិទូថា ក្បាលរបស់វាស្ថិតនៅខាងក្រោមដងខ្លួន ដោយជើងនៅសង្ខាង និង ផ្នែកខាងក្រោយកោងតាមចុងស៊ុត។ ការរកឃើញរបស់ពួកគេ ត្រូវបានបោះពុម្ពនៅក្នុង iScience។
អំប្រ៊ីយ៉ុងត្រូវបានរកឃើញនៅក្នុងស៊ុតប្រវែង ១៧ សង់ទីម៉ែត្រ ហើយសត្វនេះត្រូវបានគេប៉ាន់ស្មានថាមានប្រវែង ២៧ សង់ទីម៉ែត្រពីក្បាលដល់កន្ទុយ អ្នកស្រាវជ្រាវជឿថា នៅពេលវាពេញវ័យ វានឹងមានប្រវែងប្រហែល ២ ទៅ ៣ ម៉ែត្រ។
គំរូនេះ ឥឡូវត្រូវបានគេដាក់ក្នុងសារមន្ទីរប្រវត្តិសាស្ត្រថ្ម Yingliang របស់ប្រទេសចិន ដោយក្តីរំពឹងខ្ពស់ថា វានឹងត្រូវបានយកមកពិសោធជាមួយ DNA ត្រៀមលក្ខណៈបង្កើតទារកដាយណូស័រដំបូងគេបង្អស់លើភពផែនដីយើង។
វាគួរឱ្យចាប់អារម្មណ៍ខ្លាំងណាស់ ដោយពួកយើងមានសង្ឃឹមនឹងបានឃើញពូជដាយណូស័រក្លូនថ្មីនៅពេលខាងមុខឆាប់ៗនេះហើយ។ លោក Zelenitsky ដែលជាអ្នកនិពន្ធនៃការស្រាវជ្រាវដែលបានបោះពុម្ពផ្សាយនៅក្នុងទស្សនាវដ្តី iScience កាលពីថ្ងៃអង្គារបាននិយាយថា «វាគឺជាគំរូដ៏អស្ចារ្យមួយ»។ លោកបាននិយាយតាមអ៊ីមែលថា ៖
«រហូតមកដល់ពេលនេះ គេមិនសូវបានដឹងថាមានអ្វីកើតឡើងនៅក្នុងស៊ុតរបស់ដាយណូស័រមុនពេលញាស់ទេ ព្រោះមានគ្រោងឆ្អឹងអំប្រ៊ីយ៉ុងតិចតួចតែមានលក្ខណៈសម្បត្តិពិសេសពេញលេញ ដែលអាចត្រូវបានរក្សាទុកត្រៀមបង្កើតមេជីវិតបាន»៕ ប្រភពៈ ASIATODAY
Comments are closed, but trackbacks and pingbacks are open.