ហ៊ុម​ព័ទ្ធ​បិទ​ប៉ុស្តិ៍​ប៉ូលិស​សង្កាត់​វិហារ​លួង និង​ទីតាំង​៤ទៀត​ពាក់ព័ន្ធ​អ្នកជំងឺ​កូ​វី​ដ​១៩

ខេត្ត​ត្បូងឃ្មុំ ៖ រដ្ឋបាល​ក្រុង​សួង បាន​សម្រេច​ហ៊ុម​ព័ទ្ធ​បិទ​ទីតាំង​ប៉ុស្តិ៍​នគរបាល​រដ្ឋបាល​សង្កាត់​វិហារ​លួង ទីតាំងហាងកាហ្វេ និង​ទីតាំង​ផ្ទះ​៣​កន្លែង​ផ្សេង​ទៀត ក្រោយ​រក​ឃើញ​ពាក់ព័ន្ធ​នឹង​អ្នកជំងឺ​កូ​វី​ដ​១៩ ម្នាក់​មានឈ្មោះ ន​ល់ ច​ន្នា ដែល​ជា​មន្ត្រី​នគរបាល​ត្បូងឃ្មុំ ជាមួយ​គ្នា​នោះ​ផង​ដែរ​អាជ្ញាធរ​បាន​រក​ឃើញ​អ្នក​ដែល​បាន​ប៉ះពាល់​ផ្ទាល់ និង​ប៉ះ​ប្រយោល​ជាមួយ​អ្នកជំងឺ​កូ​វី ១៩ រូប​នេះ​ចំនួន ៥៧ នាក់ ។
លោក ជា ណា​រ៉ុ​ន អភិបាលក្រុង​សួង ខេត្ត​ត្បូងឃ្មុំ បានឱ្យ​ដឹង​ថា ដើម្បី​ចូលរួម​ទប់ស្កាត់​ការ​ឆ្លង​រីក​រាលដាល​នៃ​វីរុស​កូ​វី​ដ​១៩ អាជ្ញា​ធរមាន​សមត្ថកិច្ច​បាន​ចុះ​ស្រាវជ្រាវ​ជា​បន្ទាន់ ក្រោយ​ពី​រក​ឃើញ​លោក ន​ល់ ច​ន្នា អាយុ​៣០​ឆ្នាំ បម្រើ​ការងារ​នៅ​ស្នងការដ្ឋាន​នគរបាល​ខេត្ត​ត្បូងឃ្មុំ បាន​ធ្វើតេស្ត​សំណាក​លទ្ធផល​ចេញ​នៅ​ថ្ងៃ​ទី​២៧ ខែមីនា​នេះ «​មាន​វិជ្ជមាន​កូ​វី​ដ​-១៩» ហើយ​លោក​បាន​ទៅ​កាន់​ទីតាំង​មួយ​ចំនួន ។
គិត​ត្រឹម​រសៀល​ម៉ោង ២៖០០ នាទី​ថ្ងៃ​ទី​២៨ ខែមីនា អាជ្ញាធរ​បាន​ស្រាវជ្រាវ​រក​ឃើញ​ទីតាំង ៥​កន្លែង និង​មនុស្ស​សរុប​៥៧​នាក់​ពាក់ព័ន្ធ​នឹង​អ្នកជំងឺ​រូប​នេះ ក្នុង​នោះ​អ្នក​ប៉ះពាល់​ផ្ទាល់​ជាមួយ​អ្នកជំងឺ​មាន​ចំនួន​៤​នាក់ ។ ដូច្នេះ​រដ្ឋបាល​ក្រុង ក៏​បាន​សម្រេច បិទ​ទីតាំង ​៥ កន្លែង រួម​មាន ៖

ទី​៤- ផ្ទះ​របស់​ឈ្មោះ ន​ល់ ច​ន្នី ត្រូវជា​បងប្រុស​របស់​លោក ន​ល់ ច​ន្នា ស្ថិត​នៅ ភុ​មិ​ជ្រួយ សង្កាត់​សួង ក្រុង​សួង ។
ទី ៥- ហាងកាហ្វេ Amazon ដែលអ្នកកើតកូវីដ ចូលកាលពីថ្ងៃទី ២០ ខែមីនា ឆ្នាំ២០២០ ។

សូម​បញ្ជាក់​ថា មក​ដល់​ព្រឹក​ថ្ងៃ​ទី​២៨ ខែមីនា​នេះ គឺ​មាន​មន្ត្រី​នគរបាល​ខេត្ត​ត្បូងឃ្មុំ​៣​នាក់​ទៀត​ហើយ វិជ្ជមាន​កូ​វី​ដ​១៩ រួម​មាន​៖ ទី​១-​ឈ្មោះ ន​ល់ ច​ន្នា ភេទ​ប្រុស អាយុ​៣០​ឆ្នាំ រស់នៅ​ភូមិ​ជ្រោយ សង្កាត់​វិហារ​លួង ក្រុង​សួង​, ទី​២-​ឈ្មោះ ស សាវ​ត្តី ភេទ​ស្រី អាយុ​២០​ឆ្នាំ រស់នៅ​ភូមិ​ចា​ធំ ឃុំ​ចុង​ជា​ច ស្រុក​តំបែរ និង​ទី​៣-​ឈ្មោះ ព្រឿ​ង ឡុ​ង ភេទ​ស្រី អាយុ​២៧​ឆ្នាំ រស់នៅ​ភូមិ​អំពិល ឃុំ​កក់ ស្រុក​ពញាក្រែក ។

បើ​យោង​តាម​ប្រភព​ព័ត៌មាន​ពី​មន្ទីរពេទ្យ​បង្អែក​ព្រះ​នរោត្តម​សីហ​នុ​ត្បូងឃ្មុំ បានឱ្យ​ដឹង​ថា អ្នក​ទាំង​៣ នេះ ជា​ករណី​ទី​៣​ហើយ បន្ទាប់​ពី​លោក ឡេ​ង ពៅ និង​លោក វ៉ា​ន់ ណា​ក្រូ ដែល​អ្នក​ទាំង​៥ ជា​មន្ត្រី​នគរបាល​ខេត្ត​ត្បូងឃ្មុំ​ដូច​គ្នា រក​ឃើញ​វិជ្ជមាន​កូ​វី​ដ​១៩ ដែល​បាន​ឆ្លង​ពី​ព្រឹត្តិការណ៍ ២០​កុម្ភៈ ៕


Comments are closed, but trackbacks and pingbacks are open.