នៅព្រឹកថ្ងៃទី ២៧ ខែមេសា ឆ្នាំ ២០២១ ក្រសួងធនធានទឹក និង ឧតុនិយម បានចេញសេចក្ដីប្រកាស ស្ដីពីស្ថានភាពអាកាសធាតុ ចាប់ពីថ្ងៃទី ២៨ មេសា ដល់ថ្ងៃទី ០៤ ខែឧសភា ឱ្យបានដឹងថា ជ្រលងសម្ពាធទាបឥណ្ឌាកាន់តែបង្កើនឥទ្ធិពលគ្របដណ្តប់មកលើ ព្រះរាជាណាចក្រកម្ពុជា ជាមួយនឹងខ្យល់ប្តូរទិសជាបណ្តើរៗមកពីនិរតី ដែលជាសញ្ញាបង្ហាញថារដូវវស្សានឹងចាប់ផ្ដើមនៅសប្តាហ៍ ទី ១ នៃខែឧសភា ខាងមុខនេះហើយ ។
ផ្អែកលើស្ថានភាពវិវត្តនៃអាកាសធាតុនេះ នឹងធ្វើឱ្យ ៖
១. បណ្តាខេត្តនៅតំបន់វាលទំនាបកណ្ដាល
– សីតុណ្ហភាពអប្បបរមា មានពី ២៤-២៦ °C
– សីតុណ្ហភាពអតិបរមា មានពី ៣១-៣៣ °C
– នឹងអាចមានភ្លៀងធ្លាក់រាយប៉ាយក្នុងកម្រិតពីមធ្យមទៅច្រើន ។ ក្នុងនោះក៏អាចមានផ្នែកមួយចំនួននៃ បណ្តាខេត្តនៃភាគខាងត្បូង និងភាគពាយ័ព្យ មានភ្លៀងមានកម្រិតបរិមាណទឹកភ្លៀងច្រើន ។
២. បណ្តាខេត្ត ដាប់ជួរភ្នំដងរែក និង ខ្ពង់រាបឦសាន
– សីតុណ្ហភាពអប្បបរមា មានពី ២៣-២៥ °C
– សីតុណ្ហភាពអតិបរមា មានពី ៣១-៣៣ °C
– នឹងអាចមានភ្លៀងធ្លាក់ក្នុងកម្រិតពីមធ្យមទៅបង្គួរ ។
៣. តំបន់មាត់សមុទ្រ
– សីតុណ្ហភាពអប្បបរមា មានពី ២៤-២៦ °C
– សីតុណ្ហភាពអតិបរមា មានពី ៣០-៣២ °C
– នឹងអាចមានភ្លៀងធ្លាក់ពីបង្គួរទៅច្រើន ។
អាស្រ័យស្ថានភាពធាតុអាកាសដូចបានជម្រាបជូនខាងលើ សូមសាធារណជនជ្រាបជាព័ត៌មាន និងសូម បន្តប្រុងប្រយ័ត្នចំពោះបាតុភូតផ្គរ រន្ទះ និងខ្យល់កន្ត្រាក់ដែលអាចកើតមានជាពិសេសនៅបណ្តាខេត្តនៃតំបន់វាលទំនាបកណ្តាល ៕
សូមអានសេចក្ដីលម្អិតនៅខាងក្រោម ៖
Comments are closed, but trackbacks and pingbacks are open.