ចូលរួមរំលែកទុក្ខ និងសោកស្ដាយបំផុត! ទេវនាដនិម្មិត ឯម ធាយ សិល្បការិនីវ័យ ចំណាស់នៃរបាំបុរាណខ្មែរ បានទទួលមរណភាពហើយ ដោយសារតែ…
នៅថ្ងៃទី ១៥ ខែមិថុនា ឆ្នាំ ២០២១ នេះ មានដំណឹងដ៏គួរឱ្យសោកស្តាយមួយ ដោយលោកយាយទេវនាដនិម្មិត ឯម ធាយ បានទទួលមរណភាពទៅហើយ ក្នុងជន្មាយុ ៨៨ ឆ្នាំ ដោយជរាពាធ នៅវេលាម៉ោង ១២ និង ២០ នាទីរំលងអាធ្រាត្រ ។
បើងាកទៅក្រោយបន្តិច ពោលគឺកាលពីខែកុម្ភៈ ឆ្នាំ ២០២១ កន្លងទៅ នាដការីពីសង្គមវ័យចំណាស់បំផុត លោកយាយ ឯម ធាយ បានជួបគ្រោះរអិលដួលក្នុងបន្ទប់ទឹក ដែលបណ្ដាលឱ្យលោកយាយមានបញ្ហាឈឺចង្កេះ និង ប៉ះពាល់ដល់តម្រងនោម ដោយសារតែការទទួលទានថ្នាំបំបាត់ការឈឺចាប់ចង្កេះ ។
ការបាត់បង់លោកយាយ គឺជាការបាត់បង់នូវធនធានដ៏កម្រមួយ សម្រាប់វិស័យសិល្បៈបុរាណខ្មែរ ។ លោកយាយ ឯម ធាយ ត្រូវបានផ្ដល់គោរមងារកិត្តិយសជា ទេវនាដនិម្មិត ឯម ធាយ មរតកមនុស្សរស់ ថ្នាក់ជាតិ ឯកទេសរបាំក្បាច់បុរាណខ្មែរ ដោយសារតែស្នាដៃជាច្រើនរបស់លោកយាយ ក្នុងការលើកស្ទួយវប្បធម៌ ប្រពៃណីជាតិ ជាពិសេសរបាំបុរាណខ្មែរ ៕
Comments are closed, but trackbacks and pingbacks are open.