មហាជនមានការភ្ញាក់ផ្អើលជាខ្លាំង ព្រោះថា មិនដឹងមានរឿងអ្វីស្រាប់តែលោក ឌួង ឆាយ បង្ហោះសារបង្ហាញក្ដីបារម្ភទាំងម៉ោង ៣ ទាបភ្លឺឈានចូលថ្ងៃទី ១៣ តុលានេះ ដើម្បីជូនពរទៅកាន់អតីតភរិយាទាំងបារម្ភថា “អ្នកជាម្តាយកូនៗរបស់យើង ខ្ញុំសង្ឃឹមថាអ្នកនឹងមិនមានគ្រោះថ្នាក់អ្វីកើតឡើងចុះ។ អាណិតកូនៗយើង”។
ប៉ុន្តែអ្វីដែលគួរឱ្យចាប់អារម្មណ៍នោះគឺ ម៉ោងជាង ៥ ទាបភ្លឺក្នុងថ្ងៃដដែល ស្រាប់តែលោក ឌួង ឆាយ បង្ហោះសារ សាជាថ្មីបង្ហាញការខកចិត្តចំពោះទឹកចិត្តដែលបារម្ភ ដោយលោកបានព្រលយសារថា៖ “ដឹងការពិតហើយណាពូមីងបងប្អូនទាំងអស់គ្នា សាហាវហួសហេតុ។ ខ្ញុំស្ដាយទឹកចិត្តដែរបារម្ភ និងអាណិតណាស់ ស្រីដូចជានាងណាស់”។
ទោះបីជាយ៉ាងណាយើងមិនទាន់បានទទួលព័ត៌មានលម្អិតថា តើអតីតភរិយាលោក ឌួង ឆាយ កំពុងជួបរឿងហេតុអ្វីនោះឡើយ។ ប៉ុន្តែជាព័ត៌មានបឋមនេះ យើងទទួលបានថា មានរថយន្តស៊េរីទំនើបម៉ាក Rolls Royce ១គ្រឿង ពាក់ស្លាកលេខ កម្ពុជា-MR.IDOL បើកបុកក្បាលព្រួញពុះចែកទ្រូងផ្លូវ យ៉ាងពេញទំហឹង បណ្ដាលឱ្យរថយន្តរងការខូចខាតផ្នែកខាងមុខយ៉ាងដំណំ។ ដែលហេតុការណ៍គ្រោះថ្នាក់ចរាចរណ៍នេះកើតឡើងនៅតាមបណ្ដោយផ្លូវសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ រាជធានីភ្នំពេញ នាវេលាម៉ោង២ទាបភ្លឺឈានចូលថ្ងៃ១៣ ខែតុលា ឆ្នាំ២០២១នេះ។ ចំពោះព័ត៌មានអំពីជនរងគ្រោះ យើងមិនទាន់បានព័ត៌មានអ្វីជាក់លាក់ឡើយ។
ប៉ុន្តែ យោងតាមមតិមហាជនបានដាក់ការសង្ស័យថា រថយន្តខាងលើគឺជាអតីតរថយន្តរបស់លោក ឌួង ឆាយ ដែលត្រូវបានកាន់កាប់ដោយអតីតភរិយារបស់លោក។ ដូច្នេះ ចំពោះសំណួរថា តើអតីតភរិយារបស់លោក ឌួង ឆាយ ពិតជាជិះរថយន្តទំនើបម៉ាក Rolls Royce ហើយជួបគ្រោះថ្នាក់នៅកន្លែងកើតហេតុខាងលើ មែនឬយ៉ាងណានោះយើងនឹងបញ្ជាក់ជូននៅពេលទទួលបានព័ត៌មានច្បាស់ការណ៍៕
Comments are closed, but trackbacks and pingbacks are open.