ញាក់សាច់!! គ្រាន់តែផ្នូរ និងមឈូស របស់ មហាសេដ្ឋីកាស៊ីណូម៉ាកាវ លោក ស្ទេនលី ហូ មានតម្លៃថ្លៃជាងភូមិគ្រឹះទៀត…
ហុងកុង៖ យោងតាមប្រព័ន្ធផ្សព្វផ្សាយហុងកុង បានរាយការណ៍មក សាកសពរបស់ មហាសេដ្ឋីកាស៊ីណូម៉ាកាវ លោក ស្ទេនលី ហូ ត្រូវបានគេយកទៅទីបញ្ចុះសព នៅ Chiu Yuen ដែលនៅជាប់នឹងផ្នូរឪពុកម្តាយ និងកូនស្រីដំបូងរបស់លោក ក្រោយមរណភាពអស់រយៈពេល ១ឆ្នាំ។
ដោយឡែកតាមប្រភពដដែល បានបន្តទៀតថា កន្លែងផ្នូរបស់លោកនេះក្រុមគ្រួសារដែលបានចំណាយប្រាក់សរុបចំនួន ២៥ លានដុល្លារហុងកុង (ប្រហែល៣,២ លានដុល្លារ) ដែលភាគច្រើនជាការចំណាយលើផ្នូររបស់អតីតមហាសេដ្ឋីនេះផ្ទាល់តែម្តង។
ជាក់ស្តែង ផ្នូរមួយនេះត្រូវបានជួសជុលសាជាថ្មី ដែលគ្របដណ្ដប់ដោយថ្មក្រានីតដែលមានតម្លៃថ្លៃកប់ពពក លើសពីនេះមឈូសស្តេចល្បែងមួយនេះ ត្រូវបានធ្វើពីឈើដែលមានកម្រលើលោក ដែលគេហៅថា Nanmu ដែលមានតម្លៃ ៨ លានដុល្លារហុងកុង (ប្រហែលជាង ១លានដុល្លារ) ។
ត្រឡប់ទៅវិញ មហាសេដ្ឋីកាស៊ីណូម៉ាកាវ លោក ស្ទេនលី ហូ បានទទួលមរណភាពដោយជរាពាធ នៅថ្ងៃទី ២៦ ខែឧសភាឆ្នាំ ២០២០ ក្នុងជន្មាយុ ៩៩ ឆ្នាំ។ នៅថ្ងៃទី ៨ ខែកក្កដាឆ្នាំដដែល ពិធីបុណ្យសពត្រូវបានធ្វើឡើងយ៉ាងឧឡារិករយៈពេល ៣ ថ្ងៃ។
យោងតាមប្រព័ន្ធផ្សព្វផ្សាយបានបញ្ជាក់ថា ដោយសារមូលហេតុ ក្រុមគ្រួសារត្រូវពន្យាពេល ១ ឆ្នាំ ក៏ព្រោះតែ ក្នុង ២០២០ គឺមិនមានថ្ងៃដែលល្អ ក្នុងការបញ្ចុះសពរបស់លោក ជាលទ្ធផល បានគ្រួសារក៏បានសម្រេចចិត្តលើកមកបញ្ចុះក្នុងឆ្នាំនេះវិញ៕
សូមទស្សនារូបភាពខាងក្រោម៖
Comments are closed, but trackbacks and pingbacks are open.