ផ្ទុះការភ្ញាក់ផ្អើល រកឃើញត្បូងពេជ្រធំជាងគេបំផុតទី ៣ លើពិភពលោក ក្នុងប្រទេស Botswana ទម្ងន់រហូតដល់
ផ្ទុះការភ្ញាក់ផ្អើល រកឃើញត្បូងពេជ្រធំជាងគេបំផុតទី ៣ លើពិភពលោក ក្នុងប្រទេស Botswana ទម្ងន់រហូតដល់
June 17, 2021 khpostnews
ក្រុមហ៊ុនត្បូងពេជ្រ Debswana នៃប្រទេស Botswana បាននិយាយថា ពួកគេបានរកឃើញត្បូងពេជ្រទម្ងន់ ១០៩៨ ការ៉ាត់ ដែលជាត្បូងធំជាងគេបំផុតលំដាប់ទី ៣ លើពិភពលោក ។
ត្បូងពេជ្រដ៏ធំមួយនេះ ត្រូវបានរកឃើញនៅថ្ងៃទី ០១ ខែមិថុនា ឆ្នាំ ២០២១ កន្លងទៅ ហើយត្រូវបានបង្ហាញទៅកាន់លោកប្រធានាធិបតី Mokgweetsi Masisi នៅក្រុង Gaborone កាលពីថ្ងៃទី ១៦ ខែមិថុនា កន្លងទៅនេះ ។
ត្បូងពេជ្រដែលមិនទាន់មានឈ្មោះមួយនេះ មានបណ្ដោយ ៧៣ មីលីម៉ែត្រ ទទឹង ៥២ មីលីម៉ែត្រ និង កម្រាស់ ២៧ មីលីម៉ែត្រ ។ ត្បូងពេជ្រមួយនេះ ក៏ចាត់ទុកជាត្បូងធំបំផុតមួយ ដែលត្រូវបានរកឃើញចារជាប្រវត្តិសាស្ត្រនៃក្រុមហ៊ុន Debswana ។
គួរបញ្ជាក់ថា ត្បូងពេជ្រធំជាងគេបំផុតលើពិភពលោក មានទម្ងន់ ៣១០៦ ការ៉ាត់ ឈ្មោះ «Cullinan» រកឃើញក្នុងប្រទេសអាហ្វ្រិកខាងត្បូងក្នុងឆ្នាំ ១៩០៥ ខណៈត្បូងធំបំផុតទី ២ គឺមានទម្ងន់ ១ ១០៩ ការ៉ាត់ ឈ្មោះ «Lesedi La Rona» រកឃើញនៅអណ្ដូងរ៉ែពេជ្រ Karowe ភាគឦសានប្រទេស Botswana ក្នុងឆ្នាំ ២០១៥ ៕ ប្រភព៖ aljazeera
ប្រិយមិត្តចង់កាន់តែជ្រាបច្បាស់សូមទស្សនារូបភាពខាងក្រោម៖
Comments are closed, but trackbacks and pingbacks are open.