ខ្មែរជួយខ្មែរ! ទឹកភ្នែកកុមារកម្ពុជារាប់រយនាក់ និងគណៈគ្រប់គ្រងមន្ទីរពេទ្យកុមារអង្គរ កំពុងស្រកហូរដង្ហើយហៅជំនួយ ក្រោយរកឃើញករណីវិជ្ជមានជំងឺកូវីត១៩ ជាលើកដំបូងនៅក្នុងមន្ទីរពេទ្យនេះ ខណៈខ្លួនពុំមានលទ្ធភាពគ្រប់គ្រងស្ថានការណ៍នេះឡើយ។
យ៉ាងណាមិញ បច្ចុប្បន្នមន្ទីពេទ្យកុមារអង្គរ កំពុងខ្វះខាតឧបករណ៍ធ្វើតេស្តរហ័សរកជំងឺកូវីត១៩ សម្រាប់អ្នកជំងឺ ក្រុមគ្រួសារអ្នកជំងឺទាំងអស់ ដែលមកកាន់មន្ទីរពេទ្យកុមារអង្គរ រួមទាំងឯកសណ្ឋានពាក់ការពារពិសេសសម្រាប់បុគ្គលិកពេទ្យ និងការរៀបចំបន្ទប់ដែលបំពាក់ដោយសម្ភារៈឧបករណ៍គ្រប់គ្រាន់សម្រាប់ព្យាបាលអ្នកជំងឺកូវីត១៩ (COVID-19 Ward) ដាច់ដោយឡែក គឺជារឿងសំខាន់ បន្ទាន់ហើយចាំបាច់បំផុតក្នុងពេលនេះ។
ដើម្បីជួយសង្រ្គោះជីវិត និងស្រោចស្រង់កុមារដែលកំពុងត្រូវការជំនួយយ៉ាងខ្លាំងពីបងប្អូនជនរួមឈា.មកម្ពុជា សូមបរិច្ចាគត្រឹមតែ $១០ ឬច្រើនជាងនេះ ឥឡូវនេះ គឺអាចជួយឲ្យមន្ទីរពេទ្យកុមារអង្គរ មានឧបករណ៍សម្ភារៈទាំងអស់ខាងលើនេះបានប្រើប្រាស់ទាន់ពេលវេលា សម្រាប់ធានាសុវត្ថិភាព អ្នកជំងឺ និងក្រុមគ្រួសារអ្នកជំងឺ រួមទាំងបុគ្គលិកមន្ទីរពេទ្យ និងសហគមន៍ទំាងមូល។
សូមចូលរួមបរិច្ចាគថវិកាមកកាន់គណនីធនាគារមន្ទីរពេទ្យកុមារអង្គរឈ្មោះ Angkor Hospital for Children និងមានលេខគណនីដូចខាងក្រោម៖
1.ធនាគារអេប៊ីអេ (ABA Bank) ៖ 000 853 843
•ឬចូលទៅកាន់ ABA Mobile App
2.ភ្នាក់ងារវេប្រាក់វីង (WING) ៖ ប្រាក់រៀល៖ 9122 និង ប្រាក់ដុល្លារ៖ 8122
•ឬចូលកម្មវិធី Wings App
3.ធនាគារស្ថាបនា (Sathapana Bank) ៖ 07808082834100102
•ឬចូលកម្មវិធី Sathapana Mobile App
4.ធនាគារអេស៊ីលីដា (ACLEDA Bank) ៖ 01000105696828
•ឬចូលកម្មវិធី ACLEDA Mobile App
Tel: 063 963 409
Mobile: 012 725 745 / 016 725 735
Email: ahc@angkorhospital.org
សូមថ្លែងអំណរគុណយ៉ាងជ្រាលជ្រៅ ចំពោះការគាំទ្រជាបន្តបន្ទាប់របស់លោកអ្នកមកកាន់មន្ទីរពេទ្យកុមារអង្គរ!
គួរជម្រាបផងដែរថា បើតាមការឱ្យដឹងពីមន្ទីរពេទ្យកុមារអង្គរ ក្នុងមួយឆ្នាំ មន្ទីពេទ្យនេះ ត្រូវចំណាយទឹកប្រាក់សរុបប្រមាណ ៦.៣លានដុល្លារអាមេរិក ដែលទទួលបានពីការរៃអង្គាស់ពីសប្បុរសជនទាំងក្នុង និងក្រៅប្រទេស ប៉ុន្តែដោយសារឆ្នាំនេះ មានករណីផ្ទុះជំងឺកូវីដ១៩ បានធ្វើឱ្យមន្ទីពេទ្យរៃអង្គាស់ថវិកាមិនគ្រប់ចំនួន សម្រាប់ចំណាយក្នុងឆ្នាំ២០២១ ដែលអាចជះឥទ្ធិពលដល់ចំណាយលើប្រតិបត្តិការព្យាបាលរបស់មន្ទីពេទ្យ៕
Comments are closed, but trackbacks and pingbacks are open.