យោងតាមសេចក្ដីជូនដំណឹងស្ដីពីស្ថានភាពអាកាសធាតុ របស់ក្រសួងធនធានទឹក និងឧតុនិយម កាលពីថ្ងៃទី២០ ខែកក្កដា ឆ្នាំ២០២១ បានបញ្ជាក់ឲ្យដឹងថា ចាប់ពីថ្ងៃទី២៣ ដល់ថ្ងៃទី២៧ ខែកក្កដា កម្ពុជានឹងទទួលរងនូវឥទ្ធិពលពីមូសុងនិរតីកម្រិតខ្លាំង ជ្រសងសម្ពាធទាបពីប្រទេសចិន និងប្រព័ន្ធសម្ពាធទាបផងដែរ។ ដែលស្ថានភាពបែបនេះនឹងធ្វើឲ្យ៖
១. បណ្ដាខេត្ដនៅតំបន់វាលទំនាបកណ្ដាល អាននឹងមានភ្លៀងធ្លាក់ពីមធ្យមទៅបង្គួរ លាយឡំខ្យល់កន្ដ្រាក់បក់ខ្លាំង លើកលែងតែបណ្ដាខេត្ដនៅភាគខាងក្រោមនឹងអាចមានភ្លៀងធ្លាក់តិចទៅមធ្យម លាយឡំខ្យល់កន្ដ្រាក់បក់ខ្លាំង។ ខណៈសីតុណ្ហភាពវិញមានចន្លោះពី ២២-៣១ អង្សារ។
២. បណ្ដាខេត្ដជាប់ជួរភ្នំដងរែក និងខ្ពង់រាបឦសាន អាចមានភ្លៀងពីកម្រិតបង្គួរទៅច្រើន ផ្គរ រន្ទះតិចតួច លាយឡំនិងខ្យល់កន្ដ្រាក់ក្នុងល្បឿនខ្លាំងពិសេសនៅតាមតំបន់ជួរភ្នំក្រវាញ ជួរភ្នំដងរែក និងបណ្ដាខេត្ដដែលស្ថិតនៅតាមដងទន្លេមេង្គ។ ខណៈសីតុណ្ហភាពគឺមានចាប់ពី២២-៣០ អង្សារ។
៣. តំបន់មាត់សមុទ្រ អាចមានភ្លៀងពីកម្រិតបង្គួរទៅច្រើន ផ្គរ រន្ទះបង្គួរ លាយឡំនិងខ្យល់កន្ដ្រាក់ក្នុងល្បឿនលឿនខ្លាំង និងរលកសមុទ្រមានកម្ពស់ខ្ពស់។ ទន្ទឹមនោះលទ្ធភាពនៃជំនន់ទឹកភ្លៀង (Flash Flood) ក៏មានភាគរយខ្ពស់ផងដែរ។
ជាមួយគ្នានោះ ក្រសួងធនធានទឹក និងឧតុនិយម ក៏បានអំពាវនាវឲ្យប្រជាពលរដ្ឋទាំងអស់ ពិសេសប្រជានេសាទបង្កើនការប្រុងប្រយ័ត្នឲ្យបានខ្ពស់ចំពោះបញ្ហាអាកាសធាតុនេះ៕
Comments are closed, but trackbacks and pingbacks are open.