យុទ្ធនាការចាក់វ៉ាក់សុំាង បានធ្វើឡើងស្ទើពេញប្រទេសទៅហើយ អ្វីដែលអ្នកបានចាក់ត្រូវគិតគូរបន្ទាប់គឺលើការរក្សាអត្តសញ្ញាណថាខ្លួនបានចាក់វ៉ាក់សុំាងរួចរាល់គ្រប់គ្រាន់២ដូស ក្រៅពីមានកាតជាប់ខ្លួន ដើម្បីមានភាពងាយស្រួលក្រសួងបានរៀបចំកម្មវិធីស្កេនតាមទូរស័ព្ទឱ្យចេញពណ៌ខៀវ តាមរយៈដំណាក់កាលងាយៗ៣។
តាមការចេញផ្សាយរបស់សារព័ត៌មាន AKP បានបង្ហាញរបៀបដាក់បញ្ចូលឈ្មោះរបស់ខ្លួនដែលបានចាក់វ៉ាក់សាំងរួច ចូលទៅក្នុងប្រព័ន្ធ QRCode ដើម្បីបញ្ជាក់ពីខ្លួនឯងថាពិតជាបានចាក់វ៉ាក់សាំងរួចរាល់។
ដំណាក់កាលទាំងនោះរួមមាន៖
១. ធ្វើការស្កេន QRCode បន្ទាប់ពីចេញលទ្ធផលស្កេនសូមអូសចុះក្រោមបន្តិច រួចយកពាក្យថា ភ្ជាប់ជាមួយប័ណ្ឌចាក់វ៉ាក់សាំងឌីជីថល
២. បន្ទាប់ពីចុចប៊ូតុង ភ្ជាប់ជាមួយប័ណ្ឌចាក់វ៉ាក់សាំងឌីជីថល រួច វានឹងលោតឱ្យបងប្អូនវាយបញ្ចូល លេខអត្តសញ្ញាណប័ណ្ណនិង ថ្ងៃខែឆ្នាំកំណើត រួចចុចប៊ូតុង ស្វែងរក
៣. ក្រោយចុចប៊ូតុងស្វែករក យើងនឹងឃើញព័ត៌មាន របស់យើងចេញមកហើយ
គួរជម្រាបដែរថា ប្រសិនបើលេខទូរស័ព្ទ ដែលយើងកំពុងតែប្រើ បានបំពេញកាលពីពេលចាក់វ៉ាក់សាំង នោះលោកអ្នកនឹងបានឃើញ ប៊ូតុងពណ៌ស្ថិតនៅផ្នែកខាងក្រោម ឆៀងខាងឆ្វេង ដែលមានពាក្យថា ភ្ជាប់ជាមួយ STOPCOVID រួចជាការស្រេច។
សូមបងប្អូនដែលបានចាក់វ៉ាក់សុំាងរួច ចូលរួមភ្ជាប់ការស្កេននេះទាំងអស់គ្នាដើម្បី រួមចំណែកទប់ស្កាត់ការរីករាលដាលនៃកូវីដ១៩ ម្យ៉ាងបើសិនជាភ្លេចយកកាតចាក់វ៉ាក់សុំាងជាប់ខ្លួនក៏មិនជាបញ្ហា ម្យ៉ាងទៀតសូមបន្តរក្សា៣កុំនិង៣ការពារ។
Comments are closed, but trackbacks and pingbacks are open.